వంటల రుచిని పెంచే నెయ్యి ప్రస్తుతం కల్తీ మాఫియా చేతుల్లో చిక్కి ఆరోగ్యానికి ముప్పుగా మారుతోంది. మార్కెట్లో దొరికే నెయ్యిలో డాల్డా లేదా రసాయనాలు కలిసాయో లేదో తెలుసుకోవడానికి ఇంట్లోనే సులభమైన పరీక్షలు చేయవచ్చు. కొద్దిగా నెయ్యిని అరచేతిలో వేసుకున్నప్పుడు శరీర ఉష్ణోగ్రతకు అది వెంటనే కరిగితే అది స్వచ్ఛమైనదిగా భావించాలి. అలాగే ఒక గిన్నెలో నెయ్యి వేడి చేసినప్పుడు అది వెంటనే కరిగి ముదురు గోధుమ రంగులోకి మారితే అది అసలైన నెయ్యి. ఒకవేళ కరగడానికి సమయం పట్టినా లేదా లేత పసుపు రంగులో ఉన్నా అది కల్తీ అని గుర్తించాలి.

మరికొన్ని పద్ధతుల ద్వారా నెయ్యి నాణ్యతను మరింత కచ్చితంగా తెలుసుకోవచ్చు. కరిగించిన నెయ్యిలో కొన్ని చుక్కల అయోడిన్ కలిపినప్పుడు అది నీలం లేదా ఊదా రంగులోకి మారితే అందులో పిండి పదార్థాలు లేదా ఉడికించిన ఆలుగడ్డ కలిపారని అర్థం. అదేవిధంగా ఒక చెంచా నెయ్యిలో కొద్దిగా ఉప్పు మరియు పంచదార కలిపి కాసేపు ఉంచినప్పుడు అది ఎరుపు రంగులోకి మారితే అందులో వనస్పతి లేదా డాల్డా ఉన్నట్లు నిర్ధారించుకోవాలి. ఈ చిట్కాలను పాటించడం ద్వారా కల్తీ నెయ్యి బారి నుండి మీ కుటుంబాన్ని కాపాడుకోవచ్చు.