బెంగళూరుకు చెందిన 57 ఏళ్ల మహిళను సైబర్ నేరగాళ్లు ‘డిజిటల్ అరెస్ట్’ పేరుతో 2.05 కోట్ల రూపాయలు మోసం చేశారు. డ్రగ్స్ కేసులో ఇరికిస్తామని బెదిరించి, తాము పోలీసులమని నమ్మించి ఆమెపై వీడియో కాల్స్ ద్వారా నిరంతరం నిఘా ఉంచారు.

కొడుకు ప్రాణాలకు ముప్పు ఉందని భయపడిన ఆమె మాలూరు మరియు విజ్ఞాన్ నగర్‌లోని తన ఆస్తులను తక్కువ ధరకు విక్రయించింది. బ్యాంకు నుండి అప్పు తీసుకుని కూడా మోసగాళ్లకు నగదు పంపింది. జూన్ నుండి నవంబర్ వరకు సాగిన ఈ దారుణంపై పోలీసులు దర్యాప్తు చేస్తున్నారు.