మహారాష్ట్ర స్థానిక సంస్థల ఎన్నికల్లో అజిత్ పవార్‌కు షాక్ ఇస్తూ పుణె, పింప్రిలలో ఒంటరిగా పోటీ చేస్తామని బీజేపీ ప్రకటించింది. ఈ క్లిష్ట సమయంలో బాబాయ్ శరద్ పవార్ తన మేనల్లుడికి అండగా నిలిచే అవకాశం ఉందని రాజకీయ వర్గాల్లో ప్రచారం జరుగుతోంది. ఓట్లు చీలి బీజేపీకి లాభం చేకూరకుండా ఉండేందుకు ఈ ఇద్దరు నేతలు లోపాయికారీ ఒప్పందం చేసుకునే దిశగా అడుగులు వేస్తున్నారు.

ప్రఫుల్ పటేల్ వంటి కీలక నేతలు ఇప్పటికే అమిత్ షాను కలిసి పొత్తుపై చర్చించారు. మరోవైపు, బీజేపీ మిత్రపక్షాలను వాడుకుని వదిలేస్తుందని ఎమ్మెల్యే రోహిత్ పవార్ మండిపడ్డారు. థాకరే సోదరుల బాటలోనే పవార్ కుటుంబం కూడా ఒక్కటైతే రాష్ట్ర రాజకీయాలు ఆసక్తికరంగా మారనున్నాయి. బీజేపీ వ్యూహాన్ని ఈ చాప కింద నీరు లాంటి పొత్తు ఎలా ఎదుర్కొంటుందో వేచి చూడాలి.