ముజఫర్‌పూర్ జిల్లా అహియాపూర్ పోలీస్ స్టేషన్ పరిధిలో వివాహేతర సంబంధం ఒక కుటుంబంలో తీవ్ర కలకలం రేపింది. బడా జగన్నాథ్ పంచాయతీకి చెందిన రవికుమార్ తన భార్య ప్రవర్తనలో మార్పును గమనించి ఆమెపై నిఘా ఉంచారు. గత రాత్రి అతను ఇంటికి వచ్చేసరికి తన భార్య ఒక వ్యక్తితో వీడియో కాల్‌లో మాట్లాడుతుండటం చూసి షాక్ తిన్నారు. ఆ ఫోన్ లాక్కునే ప్రయత్నం చేయడంతో ఆగ్రహానికి గురైన భార్య, వంటగదిలోని చపాతీ కర్రతో (బేలన్) భర్తపై విచక్షణారహితంగా దాడి చేసింది.

ఈ మెరుపు దాడిలో రవికుమార్ తల పగిలిపోవడమే కాకుండా ముక్కు ఎముక కూడా విరిగింది. బాధితుడి అరుపులు విన్న స్థానికులు వెంటనే అక్కడికి చేరుకుని అతడిని ఎస్.కె.ఎం.సి.హెచ్ ఆసుపత్రికి తరలించారు. ప్రస్తుతం అతని పరిస్థితి నిలకడగా ఉందని వైద్యులు తెలిపారు. ఈ ఘటనపై అహియాపూర్ ఎస్.హెచ్.ఓ స్పందిస్తూ, బాధితుడి నుంచి ఇప్పటివరకు ఎలాంటి ఫిర్యాదు అందలేదని, ఫిర్యాదు అందిన వెంటనే దర్యాప్తు చేపట్టి కఠిన చర్యలు తీసుకుంటామని స్పష్టం చేశారు.