రైల్వే స్టేషన్‌లో పాటలు పాడుతూ రాత్రికి రాత్రే సోషల్ మీడియా స్టార్‌గా మారిన రాను మండల్ జీవితం ఇప్పుడు మళ్లీ అంధకారంలోకి వెళ్లిపోయింది. హిమేష్ రేషమియా వంటి సంగీత దర్శకుల అండతో బాలీవుడ్ వరకు వెళ్లిన ఆమె, ప్రస్తుతం పశ్చిమ బెంగాల్‌లోని ఒక పాత ఇంట్లో అత్యంత దయనీయ స్థితిలో జీవిస్తోంది. తిండి కోసం పొరుగువారిపై ఆధారపడుతూ, చెత్తాచెదారం నిండిన గదిలో ఆమె గడుపుతున్న తీరు అందరినీ కలిచివేస్తోంది.

వైరల్ ఫేమ్ తగ్గిన తర్వాత రాను మండల్‌కు అవకాశాలు రాకపోవడంతో ఆమె ఆర్థికంగా కృంగిపోయింది. తాజాగా బయటకు వచ్చిన ఒక వీడియోలో ఆమె తన ఇంట్లో ప్లాస్టిక్ కవర్‌పై కూర్చుని భోజనం చేస్తూ కనిపించింది. కనీసం రేషన్ సామాగ్రి దాచుకోవడానికి డబ్బాలు కూడా లేని స్థితిలో ఆమె ఉంది. సెలబ్రిటీ హోదా నుండి తిరిగి పేదరికంలోకి పడిపోయిన ఆమె ప్రయాణం సోషల్ మీడియా ప్రపంచంలోని చేదు నిజాన్ని గుర్తుచేస్తోంది.