సెప్టెంబర్ 3న బెంగాలీ సినిమా ‘మహానాయక్’ ఉత్తమ్ కుమార్ శతాబ్ది జయంతిని పురస్కరించుకుని, ప్రధాని నరేంద్ర మోదీ తన ‘మన్ కీ బాత్’ 137వ ఎపిసోడ్‌లో ఆయనకు ఘనంగా నివాళులర్పించారు. 1948లో దృష్టిదాన్ చిత్రంతో నటనను ప్రారంభించినప్పటికీ, ఉత్తమ్ కుమార్ ప్రారంభంలో నటించిన పలు సినిమాలు బాక్సాఫీస్ వద్ద ఆశించిన విజయం సాధించలేదని, అయితే 1952లో వచ్చిన బసు పరిబార్, 1953లోని సారే చుయత్తర్ చిత్రాలు ఆయన కెరీర్‌ను మలుపు తిప్పాయని ప్రధాని గుర్తుచేశారు.

దిగ్గజ దర్శకుడు సత్యజిత్ రే తన ప్రసిద్ధ చిత్రం నాయక్ స్క్రిప్ట్‌ను ఉత్తమ్ కుమార్‌ను దృష్టిలో ఉంచుకునే రాశారని ప్రధాని మోదీ చెప్పారు. ఉత్తమ్ కుమార్‌కు అసాధారణమైన భావోద్వేగ లోతు, పరిణతి ఉన్నాయని, ప్రతి పాత్ర కోసం ఆయన ఎంతో శ్రమించేవారని సత్యజిత్ రే పేర్కొన్న విషయాలను ప్రధాని గుర్తుచేసుకున్నారు. 1967లో ఉత్తమ నటుడిగా జాతీయ అవార్డు పొందిన ఈ మహానటుడు 1980లో తుదిశ్వాస విడిచినప్పటికీ, ప్రేక్షకుల్లో ఆయన స్థానం శాశ్వతంగా నిలిచిపోయింది.