పశ్చిమ బెంగాల్ అసెంబ్లీ బడ్జెట్ సమావేశాల్లో బీజేపీ ఎమ్మెల్యే అగ్నిమిత్ర పాల్ మదర్సాలు మరియు మైనారిటీలపై చేసిన వ్యాఖ్యలు తీవ్ర ఉద్రిక్తతకు దారితీశాయి. ఆమె వ్యాఖ్యలను తీవ్రంగా ఖండించిన మంత్రి ఫిర్హాద్ హకీమ్, వెంటనే క్షమాపణ చెప్పాలని డిమాండ్ చేశారు.

ఈ క్రమంలో తృణమూల్ మరియు బీజేపీ ఎమ్మెల్యేల మధ్య తోపులాట, నినాదాలతో సభ హోరెత్తింది. పరిస్థితిని గమనించిన స్పీకర్, అగ్నిమిత్ర చేసిన వివాదాస్పద వ్యాఖ్యలను సభ రికార్డుల నుండి తొలగిస్తున్నట్లు ప్రకటించి సభను శాంతింపజేశారు.