யூதர்களின் ஹனுக்கா பண்டிகையின்போது இந்தியாவில் உள்ள யூதர்களை குறிவைத்து பயங்கரவாத அமைப்புகள் பெரிய தாக்குதல்களைத் திட்டமிட்டுள்ளதாக உளவுத்துறை தகவல் அளித்துள்ளதால், நாடு முழுவதும் உயர் எச்சரிக்கை விடுக்கப்பட்டுள்ளது. டெல்லி, பெங்களூரு மற்றும் மும்பை போன்ற முக்கிய நகரங்களில் உள்ள யூத நிறுவனங்கள் தீவிரவாதிகளின் இலக்கில் உள்ளன என்று எச்சரிக்கை தெரிவிக்கப்பட்டுள்ளது. இஸ்ரேலிய தூதுக்குழு மற்றும் அவர்களது குழந்தைகளின் பள்ளிகளும் குறி வைக்கப்பட்டுள்ளன.

இதற்கிடையில், சிட்னியின் பாண்டி கடற்கரையில் ஹனுக்கா கொண்டாட்டத்தின் போது துப்பாக்கிதாரிகளின் தாக்குதலில் குறைந்தது 12 பேர் கொல்லப்பட்டதை பிரதமர் நரேந்திர மோடி கடுமையாக கண்டித்துள்ளார். இந்தச் சம்பவத்தை ‘கோரமானது’ என்று விவரித்த அவர், ஆஸ்திரேலியாவுக்கு ஆதரவு தெரிவித்ததுடன், பயங்கரவாதத்திற்கு எதிரான இந்தியாவின் உறுதியான நிலைப்பாட்டை மீண்டும் வலியுறுத்தினார்.