வங்கதேசத்தில் அண்மையில் நடந்து முடிந்த தேர்தலை ஒரு திட்டமிடப்பட்ட மோசடி மற்றும் நிர்வாக ரீதியிலான ஏமாற்று வேலை என்று முன்னாள் பிரதமர் ஷேக் ஹசீனா விமர்சித்துள்ளார். சில வினாடிகளுக்கு ஒரு வாக்கு என்ற தேர்தல் ஆணையத்தின் புள்ளிவிவரம் நடைமுறைக்கு சாத்தியமற்றது என்று கூறியுள்ள அவர், ஜனநாயக வரலாற்றில் இது ஒரு கருப்பு அத்தியாயம் என்று மிகக் கடுமையான குற்றச்சாட்டுகளை முன்வைத்துள்ளார்.

வாக்குச்சாவடி கைப்பற்றல் மற்றும் வாக்குப்பெட்டி முறைகேடுகள் நடந்ததாகக் குறிப்பிட்ட ஹசீனா, இந்தத் தேர்தல் மக்களின் உண்மையான விருப்பத்தைப் பிரதிபலிக்கவில்லை என்று கூறினார். முகமது யூனுஸ் தலைமையிலான இடைக்கால அரசாங்கத்தின் கீழ் நடைபெற்ற இந்தத் தேர்தலைச் சட்டவிரோதமானது என்று அறிவித்த அவர், இது அரசியல் ரீதியிலான நிச்சயமற்ற நிலையை உருவாக்கும் என்றும் எச்சரித்துள்ளார்.