டி20 உலகக் கோப்பையில் அடுத்தடுத்த வெற்றிகளுடன் இந்தியா முதலிடத்தில் இருந்தாலும் பாகிஸ்தானுக்கு எதிரான முக்கியமான போட்டிக்கு முன்னதாக மிடில் ஆர்டர் பேட்ஸ்மேன்களின் சொதப்பல் கவலையை ஏற்படுத்தியுள்ளது. சிவம் துபே, ரிங்கு சிங் மற்றும் அக்சர் படேல் ஆகியோரின் தொடர் தோல்விகள் அணி நிர்வாகத்திற்கு பின்னடைவாக பார்க்கப்படுகிறது. பாகிஸ்தானின் வலுவான பந்துவீச்சை எதிர்கொள்ள இந்த மிடில் ஆர்டர் சரிவை சரிசெய்வது அவசியம் என்று நிபுணர்கள் எச்சரிக்கின்றனர்.

பிப்ரவரி 15 அன்று நடைபெறவுள்ள இந்த உயர் அழுத்த போட்டியில் பேட்ஸ்மேன்கள் பொறுப்புடன் விளையாடி ரன்களை சேர்ப்பது மிக முக்கியம். நமீபியாவுக்கு எதிரான போட்டியில் இஷான் கிஷன் மற்றும் ஹர்திக் பாண்டியா சிறப்பாக விளையாடினாலும் மிடில் ஆர்டர் வரிசை சரிந்தது இந்தியாவின் பலவீனத்தை காட்டுகிறது. அரையிறுதி வாய்ப்பை உறுதி செய்ய பாகிஸ்தானுக்கு எதிராக மிடில் ஆர்டர் பேட்ஸ்மேன்கள் ஃபார்முக்கு வருவது கட்டாயமாகியுள்ளது.