ஜனவரி 1, 2026 முதல் வாகனத் துறையில் மூன்று முக்கிய மாற்றங்கள் நிகழவுள்ளன. மத்திய அரசின் புதிய உத்தரவின்படி அனைத்து இருசக்கர வாகனங்களிலும் ஏபிஎஸ் (ABS) பிரேக்கிங் சிஸ்டம் கட்டாயமாக்கப்படுகிறது. இருப்பினும் இந்த விதிமுறையைச் செயல்படுத்துவதில் கூடுதல் கால அவகாசம் வேண்டுமென்று வாகனத் தயாரிப்பு நிறுவனங்கள் கோரிக்கை விடுத்துள்ளன. ஏனெனில் இது வாகனங்களின் விற்பனையைப் பாதிக்கக்கூடும் என்று அஞ்சப்படுகிறது.

புத்தாண்டை முன்னிட்டு மெர்சிடிஸ் பென்ஸ், பிஎம்டபிள்யூ, ஹோண்டா மற்றும் நிசான் போன்ற முன்னணி நிறுவனங்கள் தங்கள் கார்களின் விலையை 2 முதல் 3 சதவீதம் வரை உயர்த்தவுள்ளன. அதேபோல் ஏப்ரிலியா மற்றும் ஏத்தர் போன்ற இருசக்கர வாகன நிறுவனங்களும் விலையேற்றத்தை அறிவித்துள்ளன. மூலப்பொருட்களின் விலை உயர்வு காரணமாக இந்த நடவடிக்கை எடுக்கப்பட்டுள்ளதால் வாடிக்கையாளர்கள் கூடுதல் சுமையைச் சுமக்க நேரிடும்.