சட்டவிரோத நிலக்கரி சுரங்க வழக்கில் 100.44 கோடி ரூபாய் மதிப்புள்ள சொத்துக்களை அமலாக்கத்துறை தற்காலிகமாக முடக்கியுள்ளது. ஈஸ்டர்ன் கோல்ஃபீல்ட்ஸ் லிமிடெட் பகுதியில் அனுப் மாஜி தலைமையிலான கும்பல், போலி ரசீதுகள் மற்றும் ஹவாலா நெட்வொர்க் மூலம் சுமார் 2,742 கோடி ரூபாய் வரை முறைகேட்டில் ஈடுபட்டதாக விசாரணையில் தெரியவந்துள்ளது.

இந்த கும்பல் ‘லாலா பேட்’ மற்றும் 10 ரூபாய் நோட்டுகளின் வரிசை எண்களை குறியீடாகப் பயன்படுத்தி அதிகாரிகளின் கண்களில் மண்ணைத் தூவி நிலக்கரியைக் கடத்தியுள்ளது. தற்போது முடக்கப்பட்ட சொத்துக்களில் நிலம் மற்றும் பரஸ்பர நிதி முதலீடுகள் அடங்கும், இவை முக்கியமாக ஷாகம்பரி இஸ்பாத் மற்றும் ககன் ஃபெரோடெக் நிறுவனங்களுக்குச் சொந்தமானவை.