பிரபல தயாரிப்பாளரும் இயக்குநருமான தக்காளி சீனிவாசன் உடல்நலக் குறைவால் பெங்களூருவில் காலமானார். அவரது மறைவு செய்தி கேட்டு ஒட்டுமொத்த திரையுலகமும் பெரும் அதிர்ச்சியில் ஆழ்ந்துள்ளது. மறைந்த கலைஞரின் இறுதிச் சடங்குகள் இன்று பெங்களூருவில் நடைபெற விரிவான ஏற்பாடுகள் செய்யப்பட்டுள்ளன.

‘நாளைய மனிதன்’, ‘மனசுக்குள் மத்தாப்பு’ உள்ளிட்ட வெற்றிப் படங்களைத் தயாரித்தவர் இவர். ‘ஜென்ம நட்சத்திரம்’ போன்ற படங்களை இயக்கியதுடன், கமல்ஹாசனின் ‘சூரசம்ஹாரம்’ படத்தில் நடித்தும் முத்திரை பதித்தார். திரையுலகிற்கு அவர் ஆற்றிய பங்களிப்பு என்றும் நினைவு கூரப்படும்.