தமிழகச் சட்டமன்றத் தேர்தலை முன்னிட்டு திமுக தனது கூட்டணிக் கட்சிகளுடன் தொகுதிப் பங்கீட்டை இறுதி செய்து வருகிறது. நான்கு கட்டப் பேச்சுவார்த்தைக்குப் பிறகு, முதலமைச்சர் மு.க.ஸ்டாலின் முன்னிலையில் இந்திய கம்யூனிஸ்ட் கட்சிக்கு (CPI) 5 தொகுதிகள் ஒதுக்கீடு செய்யப்பட்டுள்ளன. கடந்த 2021 தேர்தலில் 6 இடங்களில் போட்டியிட்ட நிலையில், இந்த முறை ஒரு தொகுதி குறைக்கப்பட்டுள்ளது.

அறிவாலயத்தில் தேர்தல் பணிகள் தீவிரமடைந்துள்ள சூழலில், இதுவரை காங்கிரஸ் கட்சிக்கு 28 இடங்களும், மதிமுகவிற்கு 4 இடங்களும் ஒதுக்கப்பட்டுள்ளன. ஐயுஎம்எல், மனிதநேய மக்கள் கட்சி மற்றும் கொமதேக ஆகியவற்றுக்குத் தலா 2 இடங்கள் வழங்கப்பட்டுள்ளன. மற்ற கூட்டணிக் கட்சிகளுக்கான இடங்களும் விரைவில் அறிவிக்கப்படும் என எதிர்பார்க்கப்படுகிறது.