சேலத்தில் நடைபெற்ற தமிழக வெற்றிக் கழகத்தின் பொதுக்கூட்டத்தில் கலந்துகொண்ட சூரஜ் என்ற 37 வயது தொண்டர் வெப்பத்தாக்கம் காரணமாக உயிரிழந்தார். மேடையில் தலைவர்கள் உரையாற்றிக் கொண்டிருந்தபோது நீர்ச்சத்து குறைபாட்டால் அவர் மயங்கி விழுந்தார். மருத்துவமனைக்கு கொண்டு செல்லப்பட்ட அவரை பரிசோதித்த மருத்துவர்கள் அவர் ஏற்கனவே இறந்துவிட்டதாக தெரிவித்தனர்.

முன்னதாக கரூரில் நடந்த கூட்டத்தில் ஏற்பட்ட விபத்தைத் தொடர்ந்து இந்த மரணம் பெரும் பரபரப்பை ஏற்படுத்தியுள்ளது. 5,000 பேருக்கு மட்டுமே அனுமதி இருந்த நிலையில் சுமார் 7,000 பேர் திரண்டதால் விதிமீறல் தொடர்பாக ஏற்பாட்டாளர்கள் மீது காவல்துறையினர் வழக்குப்பதிவு செய்துள்ளனர்.