மேற்கு ஆசியாவில் நிலவும் போர் பதற்றத்தால் இந்தியாவில் ‘எனர்ஜி லாக்டவுன்’ ஏற்படுமா என்ற அச்சம் பரவி வருகிறது. எரிசக்தி விநியோகம் பாதிக்கப்படும்போது அரசு மேற்கொள்ளும் கட்டுப்பாடுகளே இவ்வாறு அழைக்கப்படுகிறது. குறிப்பாக ஹார்முஸ் ஜலசந்தி வழியாக நடைபெறும் இறக்குமதி தடையால் எல்பிஜி சிலிண்டர் தட்டுப்பாடு ஏற்படும் என சமூக வலைதளங்களில் தகவல்கள் வைரலாகின்றன.

மத்திய அரசு இந்த அச்சத்தை முற்றிலுமாக மறுத்துள்ளதுடன் நாட்டில் போதுமான எரிபொருள் இருப்பு உள்ளதாக உறுதியளித்துள்ளது. சர்வதேச நெருக்கடியைச் சமாளிக்க ரஷ்யா போன்ற நாடுகளிலிருந்து இறக்குமதி அதிகரிக்கப்பட்டுள்ளது. பொதுமக்கள் தேவையற்ற வதந்திகளை நம்ப வேண்டாம் எனவும், தடையற்ற எரிவாயு விநியோகத்திற்கு முன்னுரிமை அளிக்கப்படுவதாகவும் பெட்ரோலிய அமைச்சகம் தெளிவுபடுத்தியுள்ளது.