அமெரிக்க சந்தையில் இந்தியத் தயாரிப்பு ஆடைகளுக்கு வங்கதேசத்தைப் போலவே வரி விலக்கு சலுகை கிடைக்க வாய்ப்புள்ளதாக மத்திய அமைச்சர் பியூஷ் கோயல் தெரிவித்துள்ளார். அமெரிக்காவிலிருந்து பருத்தியை இறக்குமதி செய்து, ஆடையாகத் தைத்து மீண்டும் ஏற்றுமதி செய்யும் போது பூஜ்ஜிய வரிச் சலுகையைப் பெற இந்தியா திட்டமிட்டுள்ளது. இருதரப்பு வர்த்தக உறவுகளைச் சீரமைப்பதன் மூலம் நீண்டகால சிக்கல்களுக்குத் தீர்வு காண வாஷிங்டனுடன் பேச்சுவார்த்தை நடந்து வருகிறது.

இந்தியாவின் ஜவுளி ஏற்றுமதியில் 30 சதவீதம் அமெரிக்காவிற்குச் செல்கிறது. இந்த ஒப்பந்தம் உறுதியானால், இந்திய ஜவுளித் தொழில் பெரும் வளர்ச்சியடைவதோடு உலக சந்தையில் போட்டித்தன்மையும் அதிகரிக்கும். வங்கதேசத்திற்குச் சமமான வாய்ப்புகள் இந்தியாவிற்கும் கிடைக்கும் என்று அமைச்சர் எதிர்க்கட்சிகளின் விமர்சனங்களுக்குப் பதிலளித்துள்ளார்.