ஈரான் மற்றும் இஸ்ரேல் இடையிலான போர் பதற்றத்தால் முடக்கப்பட்ட ஹார்முஸ் ஜலசந்தி வழியாக இந்திய எண்ணெய் கப்பல்கள் பயணிக்க ஈரான் தற்போது பச்சைக்கொடி காட்டியுள்ளது. இந்தியாவின் 90 சதவீத எரிபொருள் இறக்குமதி இந்த வழியாகவே நடப்பதால், கடந்த சில நாட்களாக நாட்டில் நிலவிய எல்பிஜி சிலிண்டர் தட்டுப்பாடு மற்றும் தொழில்முறை பாதிப்புகள் இனி குறையத் தொடங்கும்.

சமீபத்தில் ‘புஷ்பக்’ மற்றும் ‘பரிமல்’ ஆகிய இரண்டு இந்திய கப்பல்கள் இந்த பாதையை கடந்து வர அனுமதி கிடைத்துள்ளது. ஏற்கனவே சீனா மற்றும் வங்கதேச கப்பல்களுக்கு அனுமதி வழங்கப்பட்ட நிலையில், தற்போது இந்தியாவிற்கும் இந்த சலுகை கிடைத்துள்ளது. இது தமிழகம் உட்பட நாடு முழுவதும் தடைபட்டிருந்த எரிபொருள் விநியோகத்தை சீராக்கி விலையேற்றத்தை கட்டுப்படுத்த உதவும் என்று எதிர்பார்க்கப்படுகிறது.