ஹோர்முஸ் நீரிணை மூடப்பட்டதாலும் ஈரான்-அமெரிக்க மோதலாலும் கச்சா எண்ணெய் விலை மீண்டும் 100 டாலரை கடந்து உயர்ந்துள்ளது. பாரசீக வளைகுடாவில் இந்தியாவிற்கு வந்த சரக்குக் கப்பல் உள்ளிட்டவை மீது ஏவுகணை தாக்குதல் நடத்தப்பட்டதில் இரண்டு இந்திய மாலுமிகள் உயிரிழந்ததாகத் தகவல் வெளியாகியுள்ளது. இந்த அசாதாரண சூழல் உலக நாடுகளிடையே பெரும் பதற்றத்தை ஏற்படுத்தியுள்ளது.

இந்தியாவில் பெட்ரோல் மற்றும் டீசல் விலை உயரும் அபாயம் இருந்தாலும், மத்திய அரசு எண்ணெய் நிறுவனங்களுக்கு முக்கிய அறிவுறுத்தலை வழங்கியுள்ளது. கச்சா எண்ணெய் விலை 130 டாலரைத் தாண்டும் வரை விலையை உயர்த்த வேண்டாம் என உத்தரவிடப்பட்டுள்ளது. ஜி-7 நாடுகள் அவசர கால கையிருப்பு எண்ணெயை வெளியிட முன்வந்திருப்பது தற்காலிகமாக விலையை குறைக்க உதவும் என எதிர்பார்க்கப்படுகிறது.