மேற்கு ஆசியாவில் நிலவும் போர் பதற்றம் காரணமாக டெல்லியில் எல்பிஜி சிலிண்டர் விநியோகம் கடுமையாக பாதிக்கப்பட்டுள்ளது. நிலைமையை கட்டுப்படுத்த மத்திய அமைச்சகம் இரண்டு சிலிண்டர் முன்பதிவுகளுக்கு இடையே 25 நாட்கள் இடைவெளியை கட்டாயமாக்கியுள்ளது. அரசின் உத்தரவாதம் இருந்தபோதிலும் எதிர்கால தட்டுப்பாடு குறித்த அச்சத்தால் பொதுமக்கள் போட்டி போட்டுக்கொண்டு சிலிண்டர்களை முன்பதிவு செய்து வருகின்றனர்.

எரிவாயு ஏஜென்சிகளில் மக்கள் கூட்டம் அதிகரித்துள்ளதால் விநியோகஸ்தர்கள் திணறி வருகின்றனர். வணிக ரீதியான சிலிண்டர் விநியோகம் முடங்கியுள்ளதால் உணவகங்கள் மற்றும் சிறு தொழில்கள் பெரும் பாதிப்புக்குள்ளாகியுள்ளன. சர்வதேச சந்தையில் போக்குவரத்து செலவு அதிகரிப்பு மற்றும் சீரற்ற விநியோகத்தால் சமையல் எரிவாயு கறுப்பு சந்தையில் விற்கப்படும் அபாயம் ஏற்பட்டுள்ளது.