சர்வதேச சந்தையில் கச்சா எண்ணெய் விலையில் திடீர் வீழ்ச்சி ஏற்பட்டுள்ளது. அமெரிக்கா, இஸ்ரேல் மற்றும் ஈரான் இடையிலான பதற்றமான சூழலில், சர்வதேச எரிசக்தி முகமை (IEA) தனது கையிருப்பில் இருந்து 182 மில்லியன் பேரல் எண்ணெயை சந்தையில் வெளியிட முன்மொழிந்துள்ளது. கடந்த நான்கு ஆண்டுகளில் ஒரே நாளில் எண்ணெய் விலை இவ்வளவு பெரிய அளவில் குறைந்தது இதுவே முதல் முறையாகும்.

பாரிஸைத் தளமாகக் கொண்ட இந்த அமைப்பின் 32 உறுப்பு நாடுகளின் அவசரக் கூட்டத்தில் எடுக்கப்பட்ட இந்த முடிவால் ப்ரெண்ட் மற்றும் டபிள்யூடிஐ கச்சா எண்ணெய் விலைகள் சரிந்துள்ளன. இந்தியா தற்போது இந்த அமைப்பின் இணை உறுப்பினராக உள்ளது. எரிசக்தி பாதுகாப்பை உறுதி செய்யவும் விலையைக் கட்டுக்குள் வைக்கவும் ஐஇஏ இந்த முக்கிய நடவடிக்கையை எடுத்துள்ளது.