டி20 உலகக் கோப்பை தொடரில் சாம்பியன் பட்டம் வென்று இந்தியா வரலாற்று சாதனை படைத்துள்ளது. இந்தியாவின் இந்த அபார வெற்றியை உலகெங்கிலும் உள்ள கிரிக்கெட் ரசிகர்கள் கொண்டாடி வரும் வேளையில், பாகிஸ்தானைச் சேர்ந்த சிலர் ஐசிசி இந்தியாவுக்கு சாதகமாக செயல்பட்டதாக சமூக வலைத்தளங்களில் குற்றம் சாட்டி வருகின்றனர். ஜெய் ஷா ஐசிசி பதவியில் இருப்பதாலேயே இந்தியா வெல்வதாக அவர்கள் அவதூறு பரப்புகின்றனர்.

இதற்கு பதிலடி கொடுத்துள்ள இந்திய ரசிகர்கள், ஆஸ்திரேலியா மற்றும் தென்னாப்பிரிக்க மண்ணில் இந்தியா பெற்ற வெற்றிகளை சுட்டிக்காட்டியுள்ளனர். ஆசிய கிரிக்கெட் கவுன்சில் தலைவராக பாகிஸ்தானைச் சேர்ந்தவர் இருந்தபோதும் இந்தியா வெற்றி பெற்றதை அவர்கள் நினைவூட்டினர். வீணாகப் பொறாமைப்படாமல் ஐபிஎல் போன்ற தொடர்கள் மூலம் வீரர்களின் திறமையை மேம்படுத்த கற்றுக் கொள்ளுமாறு இந்திய ரசிகர்கள் அறிவுறுத்தியுள்ளனர்.