ஐபிஎல் 2026 சீசன் மார்ச் 28 முதல் தொடங்கும் என்று அதிகாரப்பூர்வமாக அறிவிக்கப்பட்டுள்ளது. தமிழகம் உட்பட மூன்று மாநிலங்களின் தேர்தல் தேதிகள் வெளியாக உள்ளதால், போட்டிகளுக்கான அட்டவணையை இரண்டு கட்டங்களாக வெளியிட பிசிசிஐ திட்டமிட்டுள்ளது. முதற்கட்ட அட்டவணை விரைவில் வெளியாகவுள்ள நிலையில், தேர்தல் தேதிகளுக்குப் பிறகு இரண்டாம் கட்டப் போட்டிகள் இறுதி செய்யப்படும் என எதிர்பார்க்கப்படுகிறது.

நடப்பு சாம்பியனான ராயல் சேலஞ்சர்ஸ் பெங்களூரு அணி, தனது ஹோம் மேட்ச் போட்டிகளை மீண்டும் சின்னசாமி மைதானத்தில் விளையாட அனுமதி பெற்றுள்ளது. இதன்படி பெங்களூருவில் 5 போட்டிகளும், ராய்ப்பூரில் 2 போட்டிகளும் நடைபெறவுள்ளன. கடந்த கால சவால்களை முறியடித்து பாதுகாப்பு மற்றும் கட்டமைப்பு வசதிகளை மேம்படுத்தியதன் மூலம், ரசிகர்கள் முன்னிலையில் சொந்த மண்ணில் விளையாடும் வாய்ப்பை ஆர்சிபி நிர்வாகம் உறுதி செய்துள்ளது.