வங்கதேச பொதுத்தேர்தல் முடிவடைந்த நிலையில் இடைக்கால அரசின் தலைமை ஆலோசகர் முகமது யூனுஸின் எதிர்கால நகர்வுகள் குறித்து அரசியல் வட்டாரத்தில் விவாதங்கள் எழுந்துள்ளன. அவர் தனது த்ரீ ஜீரோ கொள்கை மற்றும் டிஜிட்டல் சுகாதார சேவைகளில் கவனம் செலுத்தத் திட்டமிட்டுள்ளதாகத் தெரிகிறது.

அதேவேளையில் பழைய ஊழல் வழக்குகளிலிருந்து சட்டப் பாதுகாப்புப் பெற அவர் அதிபர் பதவியைக் குறிவைக்கலாம் என்றும் கூறப்படுகிறது. தாரிக் ரஹ்மானிடம் அதிகாரம் ஒப்படைக்கப்படும் சூழலில் யூனுஸ் அரசியலிலிருந்து விலகுவாரா அல்லது புதிய அரசியலமைப்புப் பொறுப்பை ஏற்பாரா என்பதே தற்போதைய பெரிய கேள்வியாக உள்ளது.