பாகிஸ்தான் சிவில் ஏவியேஷன் ஆணையம் (PCAA) வங்கதேசத்தின் தேசிய விமான நிறுவனமான ‘பிமான் ஏர்வேஸ்’ டாக்கா மற்றும் கராச்சி இடையே நேரடி விமானங்களை இயக்க அனுமதி அளித்துள்ளது. 2026 மார்ச் வரை மூன்று மாத கால சோதனை அடிப்படையில் இந்த அனுமதி வழங்கப்பட்டுள்ளது. பஹல்காம் தாக்குதலுக்குப் பிறகு பாகிஸ்தான் விமானங்களுக்கு இந்தியா தனது வான்வெளியை மூடியுள்ள நிலையில், இந்திய வான்வெளியைப் பயன்படுத்த அனுமதி உள்ள பிமான் ஏர்வேஸ் மூலம் இந்த விமான சேவை சாத்தியமாகியுள்ளது.

ஆகஸ்ட் 2024 இல் வங்கதேசத்தில் ஏற்பட்ட ஆட்சி மாற்றத்திற்குப் பிறகு பாகிஸ்தான் மற்றும் வங்கதேசம் இடையிலான உறவு மேம்பட்டு வருகிறது. இந்த நேரடி விமான சேவை இரு நாடுகளுக்கும் இடையிலான வர்த்தகத்தை மேலும் வலுப்படுத்தும் என்று எதிர்பார்க்கப்படுகிறது. அடுத்த வாரம் விமான கால அட்டவணை இறுதி செய்யப்படும் என்றும், அனைத்து விமானங்களும் பாகிஸ்தான் விமான போக்குவரத்து விதிகளின் கீழ் இயக்கப்படும் என்றும் தெரிவிக்கப்பட்டுள்ளது.