బంగ్లాదేశ్‌లోని మైమెన్‌సింగ్‌లో ఓ యువకుడిని చెట్టుకు కట్టేసి కొట్టి, ఆపై సజీవ దహనం చేసిన ఘటన ప్రపంచవ్యాప్తంగా కలకలం రేపుతోంది. ప్రియాంక గాంధీ, శశి థరూర్ వంటి భారతీయ నేతలు ఈ అమానవీయ చర్యను తీవ్రంగా ఖండించారు. ఈ ఘటనకు సంబంధించి యూనస్ ప్రభుత్వం ఇప్పటివరకు ఏడుగురిని అరెస్టు చేసింది.

బాధిత తండ్రి ఆ రాత్రి జరిగిన భీభత్సాన్ని వివరిస్తూ, తన కొడుకును కిరోసిన్ పోసి నిప్పు పెట్టారని వాపోయారు. మతపరమైన ఆరోపణలతో ఈ దాడి జరిగినట్లు తెలుస్తోంది. సోషల్ మీడియాలో వీడియోలు వైరల్ అయినప్పటికీ, ప్రభుత్వం నుండి తమకు ఎలాంటి న్యాయం జరుగుతుందనే హామీ లభించలేదని కుటుంబ సభ్యులు ఆవేదన వ్యక్తం చేస్తున్నారు.