மத்திய அரசு ஊழியர்கள் மற்றும் ஓய்வூதியதாரர்கள் ஆவலுடன் எதிர்பார்க்கும் 8வது ஊதியக்குழு தொடர்பான புதிய தகவல்கள் வெளியாகியுள்ளன. அகில இந்திய என்பிஎஸ் ஊழியர் கூட்டமைப்பின் தலைவர் டாக்டர் மஞ்சித் படேல் கருத்துப்படி, இந்த ஊதியக்குழு ஜனவரி 1, 2026 முதல் நடைமுறைக்கு வர வேண்டும். இருப்பினும், அறிக்கை தயாரிப்பு மற்றும் அமைச்சரவை ஒப்புதல் போன்ற நடைமுறைகளால், ஊழியர்களின் வங்கி கணக்கிற்கு கூடுதல் பணம் வந்து சேர 2028 வரை ஆகலாம்.

மறுபுறம், 2027 உத்தரப்பிரதேச சட்டமன்றத் தேர்தலைக் கருத்தில் கொண்டு, ஜூலை 1, 2027 முதலே இந்த உயர்வை வழங்க அரசு திட்டமிட வாய்ப்புள்ளதாகக் கருதப்படுகிறது. அதிகாரப்பூர்வ அறிவிப்பின்படி குழுவிற்கு 18 மாத கால அவகாசம் வழங்கப்பட்டுள்ளது. இதனால் 1.19 கோடிக்கும் அதிகமான பயனாளிகள் தங்களின் சம்பள உயர்வுக்காகவும், ஃபிட்மென்ட் ஃபேக்டர் அதிகரிப்பிற்காகவும் இன்னும் சில காலம் காத்திருக்க வேண்டிய சூழல் உருவாகியுள்ளது.