2026 டி20 உலகக்கோப்பைக்கு முன்னதாக இந்திய அணியின் தலைமையில் அதிரடி மாற்றங்கள் ஏற்பட வாய்ப்புள்ளது. சூர்யகுமார் யாதவ் மற்றும் ஷுப்மன் கில் ஆகியோரின் சமீபத்திய மோசமான ஃபார்ம் காரணமாக அவர்களின் கேப்டன்சி பதவி பறிபோகலாம் எனத் தெரிகிறது. கடந்த ஓராண்டாக ரன் குவிக்கத் தடுமாறும் சூரியா மற்றும் மந்தமான ஆட்டத்தை வெளிப்படுத்தும் கில்லுக்குப் பதிலாக புதிய பெயர்கள் அடிபடுகின்றன.

ஐபிஎல் தொடரில் கேப்டனாக முத்திரை பதித்த ஹர்திக் பாண்டியா புதிய கேப்டனாகவும், அக்சர் படேல் துணை கேப்டனாகவும் நியமிக்கப்பட வாய்ப்புள்ளது. பேட்டிங்கில் கவனம் செலுத்த சூரியாவை கேப்டன் பொறுப்பிலிருந்து விடுவித்து, ஃபார்மில் இல்லாத கில்லுக்குப் பதில் மாற்று வீரர்களைக் களமிறக்க நிர்வாகம் திட்டமிட்டு வருவதாகத் தகவல்கள் தெரிவிக்கின்றன.