డిజిటల్ లావాదేవీలు పెరుగుతున్న తరుణంలో సైబర్ నేరగాళ్లు రెచ్చిపోతున్నారు. కొత్త రకమైన మోసాలతో ప్రజల బ్యాంక్ ఖాతాల నుండి అక్రమంగా డబ్బును కాజేస్తున్నారు. ముఖ్యంగా నకిలీ లింకులు, ఓటీపీల ద్వారా ఈ మోసాలు ఎక్కువగా జరుగుతున్నట్లు అధికారులు గుర్తించారు.

సురక్షితంగా ఉండటానికి అపరిచిత లింకులపై క్లిక్ చేయకండి. బ్యాంక్ ప్రతినిధులు ఎప్పుడూ మీ పిన్ లేదా పాస్‌వర్డ్ అడగరని గుర్తుంచుకోండి. ఏదైనా అనుమానాస్పద లావాదేవీ జరిగినట్లు గమనిస్తే వెంటనే బ్యాంక్ అధికారులకు లేదా సైబర్ క్రైమ్ పోలీసులకు సమాచారం అందించండి.