సైబర్ నేరగాళ్లు ఇప్పుడు ‘స్క్రీన్ మిర్రరింగ్’ యాప్‌ల ద్వారా మీ ఫోన్‌పై నిఘా ఉంచుతున్నారు. మీరు ఎవరికీ ఓటీపీ చెప్పకపోయినా, మీ బ్యాంకింగ్ వివరాలను దొంగిలించి ఖాతాను ఖాళీ చేసే ప్రమాదం ఉంది. సాంకేతికతను ఆసరాగా చేసుకుని జరుగుతున్న ఈ కొత్త తరహా దాడుల పట్ల అప్రమత్తంగా ఉండాలి.

అపరిచిత లింక్స్‌పై క్లిక్ చేయడం లేదా అనధికారిక యాప్‌లను డౌన్‌లోడ్ చేయడం ప్రమాదకరమని అధికారులు హెచ్చరిస్తున్నారు. మీ బ్యాంకింగ్ పాస్‌వర్డ్‌లను ఎప్పటికప్పుడు మారుస్తూ ఉండండి. మీ ఖాతాలో అసాధారణ లావాదేవీలు గమనిస్తే వెంటనే బ్యాంక్ మరియు సైబర్ క్రైమ్ పోలీసులకు ఫిర్యాదు చేయండి.