హుగ్లీలోని కనైపూర్ కాలనీ అంగన్‌వాడీ కేంద్రంలో చిన్నారులకు పురుగులు పట్టిన, గడువు ముగిసిన పప్పుతో కిచిడీ వండుతుండటంతో తీవ్ర ఉద్రిక్తత నెలకొంది. దీనిని గమనించిన తల్లిదండ్రులు అధికారుల తీరుపై ఆగ్రహం వ్యక్తం చేస్తూ ఆందోళనకు దిగారు. పరిస్థితిని గమనించిన సిబ్బంది, పక్కనే ఉన్న మరో కేంద్రం నుండి పప్పు తెప్పించి వంట పూర్తి చేశారు.

పిల్లల ఆరోగ్యంతో ఆటలాడుకుంటున్న బాధ్యులపై కఠిన చర్యలు తీసుకోవాలని స్థానికులు డిమాండ్ చేస్తున్నారు. భవిష్యత్తులో ఇలాంటి ఘటనలు పునరావృతం కాకుండా ఆహార నాణ్యతను క్రమం తప్పకుండా తనిఖీ చేయాలని వారు కోరారు.