வெளிநாடு வாழ் இந்தியர்களிடம் (NRI) இருந்து நிலம் அல்லது வீடு போன்ற சொத்துக்களை வாங்கும் இந்திய குடிமக்களுக்கு மத்திய நிதியமைச்சர் நிர்மலா சீதாராமன் ஒரு முக்கிய அறிவிப்பை வெளியிட்டுள்ளார். இதுவரை நடைமுறையில் இருந்த விதிகளின்படி, என்ஆர்ஐ-களிடம் இருந்து சொத்து வாங்குவதற்கு டான் (TAN) எண் வைத்திருப்பது கட்டாயமாக இருந்தது. இந்த எண்ணைப் பெறுவதில் இருந்த சிக்கல்கள் மற்றும் தாமதங்களை நீக்கும் பொருட்டு, இனி டான் எண்ணிற்குப் பதிலாக சாதாரண பான் (PAN) எண்ணைப் பயன்படுத்தியே சொத்துக்களைப் பதிவு செய்யலாம் என்று மத்திய அரசு அறிவித்துள்ளது. இந்த புதிய நடைமுறை 2026 ஏப்ரல் முதல் அமலுக்கு வரவுள்ளது.

இந்த அதிரடி மாற்றத்தினால் சொத்து பதிவு செய்வதற்கான செலவுகள் குறைவதுடன், தேவையற்ற அலைச்சல்களும் தவிர்க்கப்படும் என்று எதிர்பார்க்கப்படுகிறது. மேலும், வெளிநாடு வாழ் இந்தியர்கள் வெளிநாடுகளில் உள்ள தங்களது சொத்துக்களைத் தானாக முன்வந்து வெளிப்படுத்த மத்திய அரசு ஆறு மாத கால அவகாசம் அளித்துள்ளது. இந்த நடவடிக்கைகள் ரியல் எஸ்டேட் துறையில் முதலீடுகளை அதிகரிக்கவும், சொத்து வாங்கும் செயல்முறையை எளிதாக்கவும் உதவும் என்று நிபுணர்கள் கருதுகின்றனர். மத்திய அரசின் இந்த முடிவானது சாதாரண நடுத்தர வர்க்கத்தினருக்குப் பெரும் நிம்மதியை அளித்துள்ளது.