மேற்கு ஆசியாவில் நிலவும் போர் சூழல் குறித்து வெளியுறவுத்துறை அமைச்சர் எஸ். ஜெய்சங்கர் மாநிலங்களவையில் விளக்கம் அளித்தார். ஈரான் மீதான தாக்குதல்களுக்குப் பிறகு நிலைமை மோசமடைந்துள்ளதாக அவர் குறிப்பிட்டார். பிரதமர் மோடி தலைமையிலான பாதுகாப்புக்கான அமைச்சரவைக் குழு தொடர்ந்து ஆலோசனைகளை மேற்கொண்டு வருகிறது. போரைத் தவிர்க்கவும் அமைதியை நிலைநாட்டவும் பேச்சுவார்த்தை மட்டுமே ஒரே தீர்வு என்று இந்தியா வலியுறுத்தியுள்ளது.

அப்பகுதியில் உள்ள இந்தியர்கள் மற்றும் சுற்றுலாப் பயணிகளின் பாதுகாப்பை உறுதி செய்ய அனைத்து அமைச்சகங்களுக்கும் உத்தரவிடப்பட்டுள்ளது. பிப்ரவரி 20 முதல் பதற்றத்தைக் குறைக்க இந்தியா கோரிக்கை விடுத்து வரும் நிலையில், தற்போது எண்ணெய் கிடங்குகள் மீதான தாக்குதல் கவலையை அதிகரித்துள்ளது. எதிர்க்கட்சிகளின் அமளிக்கு இடையே, இந்தியாவின் எரிசக்தி பாதுகாப்பு மற்றும் வெளிநாடு வாழ் இந்தியர்களின் நலனைப் பாதுகாக்க அரசு அனைத்து நடவடிக்கைகளையும் எடுத்து வருவதாக அமைச்சர் உறுதி அளித்தார்.