வாஷிங்டன்: சுமார் 40 ஆண்டுகளுக்குப் பிறகு அமெரிக்கா தனது அணு ஆயுதங்களின் எண்ணிக்கையை மீண்டும் அதிகரிக்கத் திட்டமிட்டுள்ளது. ரஷ்யாவுடனான அணு ஆயுதக் கட்டுப்பாடு ஒப்பந்தம் முடிவுக்கு வந்ததைத் தொடர்ந்து, டிரம்ப் நிர்வாகம் எடுத்துள்ள இந்த அதிரடி முடிவு உலக நாடுகளிடையே பெரும் பதற்றத்தை உருவாக்கியுள்ளது.

ரஷ்யா மற்றும் சீனாவின் வளர்ந்து வரும் ராணுவ பலத்திற்குப் பதிலடி கொடுக்கும் வகையிலேயே பென்டகன் இந்த ஆக்ரோஷமான நடவடிக்கையில் இறங்கியுள்ளதாகத் தெரிகிறது. ஒருவேளை மீண்டும் அணு ஆயுதச் சோதனைகள் தொடங்கப்பட்டால், அது உலகப் பொருளாதாரம் மற்றும் காலநிலையில் பேரழிவை ஏற்படுத்தும் என நிபுணர்கள் எச்சரிக்கின்றனர்.

டிரம்பின் இந்த முடிவால் சர்வதேச அளவில் ஏற்பட்டுள்ள அழுத்தம், உலக அமைதிக்கு மிகப்பெரிய அச்சுறுத்தலாக மாறியுள்ளது. ஒரு நிச்சயமற்ற எதிர்காலத்தை நோக்கி உலகம் தள்ளப்படுமோ என்ற அச்சம் இப்போது சாமானிய மக்களிடையே எழுந்துள்ளது.