செய்தி பிரிவு : ஆன்லைன் விளையாட்டுப் பழக்கம் மீண்டும் ஒரு உயிரைப் பறிக்கும் கொடூரமாக உருவெடுத்துள்ளது. காஜியாபாத்தில் மூன்று சகோதரிகள் இந்த ‘கொரியன் லவர் கேம்’ என்ற மாயவலையில் சிக்கி ஒன்பதாவது மாடியில் இருந்து குதித்து தற்கொலை செய்துகொண்டனர். நமது வீடுகளில் உள்ள குழந்தைகள் பாதுகாப்பாக இருக்கிறார்களா என்ற அச்சத்தை இந்தச் சம்பவம் ஏற்படுத்தியுள்ளது. இத்தகைய ஆபத்தான விளையாட்டுகள் சாதாரண குடும்பங்களின் நிம்மதியையே குலைத்து வருகின்றன.

கொரிய பாப் கலாச்சாரத்தை மையமாக வைத்து உருவாக்கப்பட்ட இந்த விளையாட்டில், 50 கட்டளைகள் வழங்கப்படுகின்றன. ஆரம்பத்தில் சாதாரணமாகத் தோன்றும் இந்த வேலைகள், நாளடைவில் ஒருவரைத் தற்கொலை செய்யும் அளவிற்குத் தூண்டுகின்றன. ப்ளூ வேல் விளையாட்டைப் போலவே, இதுவும் பயனர்களைத் தனிமைப்படுத்தி மனதளவில் சிதைத்து விடுகிறது. இணையப் பயன்பாட்டில் கூடுதல் கவனத்துடன் இருக்க வேண்டியதன் அவசியத்தை இச்சம்பவம் மீண்டும் ஒருமுறை உணர்த்தியுள்ளது.