மத்தியப் பிரதேச மாநிலம் போபாலில் 11ஆம் வகுப்பு மாணவி ஒருவரை நான்கு வெவ்வேறு கார்களில் வைத்து கூட்டு பாலியல் வன்கொடுமை செய்து வீடியோ எடுத்து மிரட்டிய அதிர்ச்சி சம்பவம் வெளிச்சத்திற்கு வந்துள்ளது. இந்த வழக்கில் முக்கிய குற்றவாளி அவுசாப் அலி கான் மற்றும் அவனது கூட்டாளி மாஸ் கான் ஆகியோரை போலீசார் கைது செய்துள்ளனர். ஒரு தார் எஸ்யூவி உட்பட குற்றத்திற்கு பயன்படுத்தப்பட்ட நான்கு வாகனங்களை போலீசார் பறிமுதல் செய்துள்ளனர்.

குற்றவாளிகள் அந்த மாணவியிடம் நாற்பதாயிரம் ரூபாய் கேட்டு மிரட்டியதோடு வீடியோவை காட்டி தொடர்ந்து துன்புறுத்தியுள்ளனர். இந்த வழக்கில் தகவல் கசிந்த விவகாரத்தில் ஒரு காவலர் பணியிடை நீக்கம் செய்யப்பட்டுள்ளார். தற்போது ஏசிபி தலைமையிலான சிறப்பு விசாரணை குழுவினர் தீவிர விசாரணை நடத்தி வருகின்றனர் மற்றும் வீடியோ எடுக்கப்பட்ட ஐபோனை தேடி வருகின்றனர்.