மன அழுத்தம் அல்லது சலிப்பு காரணமாக நகம் கடிக்கும் பழக்கம் பலருக்கு உள்ளது இதனை மருத்துவ ரீதியாக ஓனிகோபேஜியா என்று அழைக்கின்றனர். நகங்களுக்கு அடியில் தங்கியிருக்கும் கிருமிகள் வாய் வழியாக உடலுக்குள் செல்வதால் கடுமையான வயிற்றுப்போக்கு மற்றும் தொற்று நோய்கள் ஏற்பட வாய்ப்புள்ளதாக நிபுணர்கள் எச்சரிக்கின்றனர். மேலும் இது பற்களின் வரிசையை சிதைப்பதுடன் நகங்களைச் சுற்றியுள்ள தோலில் ஆறாத புண்களையும் ஏற்படுத்துகிறது.

இந்தப் பழக்கத்தைக் கைவிட நகங்களை எப்போதும் குறுகியதாக வெட்டி வைத்திருக்க வேண்டும் மற்றும் மன அழுத்தத்தைக் குறைக்க யோகா போன்ற பயிற்சிகளை மேற்கொள்ள வேண்டும். நகங்களில் கசப்பான பூச்சுகளைப் பயன்படுத்துவதும் இந்த பாதிப்பிலிருந்து மீள உதவும் சிறந்த வழியாகக் கருதப்படுகிறது.