9 கோடி ரூபாய் செக் மோசடி வழக்கில் சிக்கியுள்ள பிரபல நகைச்சுவை நடிகர் ராஜ்பால் யாதவுக்கு நீதிமன்றம் கடும் அதிர்ச்சியை அளித்துள்ளது. தனது குடும்பத்தில் திருமணம் நடைபெறவிருப்பதாகக் கூறி, அதைக் காரணமாகக் காட்டி ஜாமீன் கோரியிருந்தார் ராஜ்பால். ஆனால், அவரது கோரிக்கையை அதிரடியாக நிராகரித்த நீதிமன்றம், அவரை மீண்டும் சிறையிலேயே இருக்க உத்தரவிட்டுள்ளது.

சாதாரண மக்கள் கடனில் மூழ்கும்போது சட்டம் எந்தளவுக்குக் கடுமையாக இருக்குமோ, அதே நீதிதான் செல்வாக்கு மிக்கவர்களுக்கும் என்பதை ராஜ்பால் யாதவின் இந்த நிலைமை மீண்டும் உறுதிப்படுத்தியுள்ளது. 2010-ம் ஆண்டு படம் எடுப்பதற்காக வாங்கிய கடன், இன்று அவரை நிஜ வாழ்க்கையில் ஒரு குற்றவாளியாக கூண்டில் ஏற்றியுள்ளது. பலமுறை வாக்குறுதி அளித்தும் பணத்தைத் திருப்பிச் செலுத்தாதது, முதலீட்டாளர்களையும் நீதித்துறையையும் ஏமாற்றுவதற்குச் சமம் என்று நீதிமன்றம் காட்டமாகத் தெரிவித்துள்ளது.

திஹார் சிறையில் அடைக்கப்பட்டுள்ள ராஜ்பால் யாதவ், வரும் திங்கட்கிழமை நடைபெறும் அடுத்த கட்ட விசாரணை வரை அங்கேயே இருக்க வேண்டிய கட்டாயத்திற்குத் தள்ளப்பட்டுள்ளார். சினிமா திரையில் சிரிப்பை வரவழைத்த நடிகர், இன்று நிதி மோசடி புகாரால் சிறைக் கம்பிகளுக்குப் பின்னால் கண்ணீர் வடித்து வருகிறார்.