தமிழக சட்டமன்றத் தேர்தலில் திமுக கூட்டணியில் தொகுதிப் பங்கீடு தொடர்பாகப் பேச்சுவார்த்தை நடத்திய சிபிஎம் தலைவர் சண்முகம் தனது அதிருப்தியை வெளிப்படுத்தியுள்ளார். மற்ற கட்சிகளுக்குக் கூடுதல் இடங்கள் ஒதுக்கப்படும் நிலையில், தங்கள் கட்சிக்கு மட்டும் இடங்களைக் குறைக்க முயல்வது நியாயமற்றது என்று அவர் செய்தியாளர்களிடம் தெரிவித்தார்.

கடந்த முறையை விடக் கூடுதல் தொகுதிகளில் போட்டியிட வேண்டும் என்பதில் மார்க்சிஸ்ட் கம்யூனிஸ்ட் உறுதியாக உள்ளது. கட்சியின் பலத்திற்கு ஏற்ப இடங்களைப் பெறுவதற்கான அனைத்து முயற்சிகளையும் மேற்கொண்டு வருவதாகவும், இது தொடர்பாகத் திமுக பேச்சுவார்த்தைக் குழுவிடம் தெளிவான கோரிக்கையை முன்வைத்துள்ளதாகவும் சண்முகம் கூறியுள்ளார்.