செங்கல்பட்டு மாவட்டம் அத்திவாக்கத்தில் 14 வயது சிறுமி கூட்டுப் பாலியல் வன்கொடுமை செய்யப்பட்ட சம்பவத்திற்கு பாஜக தலைவர் நயினார் நாகேந்திரன் கடும் கண்டனம் தெரிவித்துள்ளார். தமிழகத்தில் கடந்த ஐந்தாண்டுகளில் பெண்களுக்கு எதிரான குற்றங்கள் அதிகரித்து வருவதாகவும், சட்டம் ஒழுங்கு சீர்குலைந்துள்ளதாகவும் அவர் குற்றம் சாட்டினார். மக்களின் பாதுகாப்பு கேள்விக்குறியாக உள்ள நிலையில், முதல்வர் இந்த விவகாரத்தில் மெத்தனமாக இருப்பதாக அவர் தனது எக்ஸ் தளத்தில் பதிவிட்டுள்ளார்.

இந்த விவகாரத்தை சென்னை உயர்நீதிமன்றம் தானாக முன்வந்து விசாரிக்க வேண்டுமென வழக்கறிஞர் சூர்ய பிரகாசம் முறையீடு செய்திருந்தார். இதனை ஏற்ற தலைமை நீதிபதி அமர்வு, இதனை பொதுநல வழக்காக தாக்கல் செய்ய அனுமதி அளித்துள்ளது. இந்த கொடூர சம்பவத்திற்கு நீதி கேட்டு சமூக வலைதளங்களில் கண்டனங்கள் வலுத்து வருகின்றன.