டி20 உலகக் கோப்பை வெற்றியில் சஞ்சு சாம்சன் மற்றும் அபிஷேக் ஷர்மா ஆகியோரின் முக்கிய பங்கு குறித்து கேப்டன் சூர்யகுமார் யாதவ் மனம் திறந்துள்ளார். சஞ்சுவின் மோசமான காலக்கட்டத்தில் அவருக்கு முழு சுதந்திரம் அளித்ததாகவும், அதன் விளைவாக அவர் அணியின் நலனுக்காக அதிரடியாக விளையாடி ரன்களை குவித்ததாகவும் சூர்யகுமார் தெரிவித்தார்.

இளம் வீரர் அபிஷேக் ஷர்மா மீது தனக்கு இருந்த அசைக்க முடியாத நம்பிக்கையை அவர் பகிர்ந்து கொண்டார். தொடர் தோல்விகளை சந்தித்தாலும் இறுதிப்போட்டியில் அபிஷேக் தான் தொடக்க வீரராக இறங்குவார் என உறுதியளித்திருந்தார். அந்த நம்பிக்கையை காப்பாற்றும் வகையில் இறுதிப்போட்டியில் வெறும் 18 பந்துகளில் அரைசதம் அடித்து அபிஷேக் அசத்தினார். இத்தகைய பரஸ்பர நம்பிக்கையே இந்தியாவின் வெற்றிக்கு காரணமாக அமைந்தது.