2026 டி20 உலகக் கோப்பையில் இந்திய அணி தொடர்ந்து இரண்டாவது முறையாக சாம்பியன் பட்டம் வெல்ல சஞ்சு சாம்சன் முக்கிய பங்காற்றினார். தொடர் முழுவதும் 321 ரன்கள் குவித்த அவர், ‘தொடர் நாயகன்’ விருதைப் பெற்று சுமார் 21 லட்சம் ரூபாய் பரிசுத் தொகையை வென்றார். குறிப்பாக மேற்கிந்தியத் தீவுகளுக்கு எதிராக ஆட்டமிழக்காமல் 97 ரன்கள் எடுத்ததுடன், தொடர்ச்சியாக மூன்று அரைசதங்களை விளாசி அணியை வெற்றிப்பாதைக்கு அழைத்துச் சென்றார்.

இறுதிப்போட்டியில் நியூசிலாந்தை 96 ரன்கள் வித்தியாசத்தில் வீழ்த்திய இந்தியா, 255 ரன்கள் குவித்து சாதனை படைத்தது. நான்கு விக்கெட்டுகளை வீழ்த்திய ஜஸ்பிரித் பும்ரா ஆட்டநாயகன் விருதை வென்றார். சாம்பியன் பட்டம் வென்ற இந்திய அணிக்கு 27.48 கோடி ரூபாய் பரிசுத் தொகை வழங்கப்பட்டது. சஞ்சு சாம்சனின் இந்த அபாரமான மீள்வருகையை சச்சின் டெண்டுல்கர் மற்றும் யுவராஜ் சிங் போன்ற ஜாம்பவான்கள் வெகுவாகப் பாராட்டியுள்ளனர். இதன் மூலம் டி20 உலகக் கோப்பையைத் தொடர்ந்து இருமுறை வென்ற முதல் நாடு என்ற பெருமையை இந்தியா பெற்றது.