நாடு முழுவதும் லாட்டரி விழுந்துள்ளதாகக் கூறி பொதுமக்களை ஏமாற்றும் சைபர் கும்பல் கைவரிசை காட்டி வருகிறது. பரிசுத் தொகை தருவதாக ஆசை காட்டி, மக்களின் தனிப்பட்ட விவரங்களை இந்த கும்பல் திருடுகிறது. செல்போன் அழைப்புகள் மற்றும் குறுஞ்செய்திகள் மூலம் வங்கி கணக்கிலுள்ள பணத்தை நூதன முறையில் அவர்கள் கொள்ளையடிக்கின்றனர்.

இதுகுறித்து பொதுமக்கள் விழிப்புடன் இருக்குமாறு காவல்துறை எச்சரித்துள்ளது. தெரியாத லிங்குகளை கிளிக் செய்யவோ அல்லது ஓடிபி எண்களை பகிரவோ வேண்டாம் என நிபுணர்கள் அறிவுறுத்தியுள்ளனர். சந்தேகம் ஏற்பட்டால் உடனடியாக சைபர் கிரைம் துறையில் புகார் அளிக்குமாறு கேட்டுக்கொள்ளப்பட்டுள்ளது.