தமிழகத்தைத் தொடர்ந்து கேரள அரசியலிலும் நடிகர் விஜய்யின் செல்வாக்கு பெரும் அதிர்வலைகளை ஏற்படுத்தியுள்ளது. கேரளாவில் ஆளும் சிபிஎம் கட்சி நடத்திய ரகசிய ஆய்வில், விஜய்க்கு அங்கு சுமார் 4 முதல் 5 சதவீத வாக்கு வங்கி இருப்பது தெரியவந்துள்ளது. இந்த ஆதரவை பயன்படுத்தி மீண்டும் ஆட்சியைத் தக்கவைக்க விஜய்யுடன் கூட்டணி அமைக்க முதல்வர் பினராயி விஜயன் ஆர்வம் காட்டி வருவதாகத் தகவல்கள் வெளியாகியுள்ளன.

இருப்பினும், இந்த முயற்சிக்கு தமிழக சிபிஎம் தலைவர்கள் கடும் எதிர்ப்பு தெரிவித்துள்ளனர். தமிழகத்தில் திமுக கூட்டணியில் அங்கம் வகிக்கும் நிலையில், கேரள அரசியலுக்காக ஒரு நடிகரைச் சார்ந்து நிற்பது கட்சியின் அடையாளத்தைப் பாதிக்கும் என அவர்கள் கருதுகின்றனர். இதனால் விஜய்யை கேரளா கூட்டணிக்குள் கொண்டு வரும் பினராயி விஜயனின் திட்டம் தற்போது தேசிய அரசியலில் பெரும் விவாதப் பொருளாக மாறியுள்ளது.