செய்தி பிரிவு : இணையத்தைப் பயன்படுத்தும் சாமானிய மக்களின் பாதுகாப்பு இனி பல மடங்கு அதிகரிக்கப் போகிறது. முகேஷ் அம்பானியின் ஜியோ பிளாட்பார்ம்ஸ், கூகுள் மற்றும் மைக்ரோசாப்ட் உள்ளிட்ட உலகின் 15 முன்னணி தொழில்நுட்ப நிறுவனங்களுடன் இணைந்து ‘ட்ரஸ்டட் டெக் அலையன்ஸ்’ என்ற அமைப்பை உருவாக்கியுள்ளது. இந்த ஒப்பந்தம் உங்கள் தனிப்பட்ட தரவுகள் மற்றும் டிஜிட்டல் ரகசியங்களை மிகவும் பாதுகாப்பானதாக மாற்றும்.

செயற்கை நுண்ணறிவு (AI) காலத்தில் தரவுப் பாதுகாப்பு குறித்த அச்சத்தைப் போக்கவே இந்த கூட்டணி அமைக்கப்பட்டுள்ளது. இதன் மூலம் கிளவுட் ஸ்டோரேஜ் முதல் மென்பொருள் வரை அனைத்தும் மிகவும் வெளிப்படையான முறையில் இயங்கும். இது சாதாரண பயனர்களுக்கு நம்பகமான மற்றும் பாதுகாப்பான இணைய சேவையை உறுதி செய்யும். இந்த உலகளாவிய கூட்டணியில் ஜியோ இடம் பெற்றிருப்பது, தொழில்நுட்ப உலகில் இந்தியாவின் வலிமையை உலகிற்கு பறைசாற்றுகிறது.