பொதுவாக சிறைச்சாலை என்றாலே அச்சம் ஏற்படும் சூழலில் இந்தியாவின் சில சிறைகள் இன்று முக்கிய சுற்றுலாத் தலங்களாக மாறியுள்ளன. அந்தமானின் செல்லுலார் சிறை மற்றும் புனேயின் ஆகா கான் அரண்மனை போன்றவை வரலாற்றுச் சின்னங்களாகப் போற்றப்படுகின்றன. வீர சாவர்க்கர் போன்ற தியாகிகள் சிறைவைக்கப்பட்ட செல்லுலார் சிறை மற்றும் தெற்காசியாவின் மிகப்பெரிய சிறையான டெல்லி திஹார் சிறையை காண மக்கள் ஆர்வம் காட்டுகின்றனர்.

இந்திய சுதந்திரப் போராட்ட வீரர்களின் தியாகங்களை நினைவுபடுத்தும் இந்த இடங்கள் வெறும் சிறைகள் மட்டுமல்லாது வரலாற்றுப் பெட்டகங்களாகவும் திகழ்கின்றன. மிட்னாப்பூரின் ஹிஜ்லி சிறை மற்றும் வைப்பர் தீவு சிறை போன்றவை ஆங்கிலேயர் கால கொடுமைகளையும் இந்தியர்களின் வீரத்தையும் பறைசாற்றுகின்றன. முறையான அடையாள அட்டையை காண்பித்து அனுமதி பெற்று இந்த வரலாற்றுச் சிறப்புமிக்க சிறைச்சாலைகளை பொதுமக்களும் இப்போது நேரடியாகச் சென்று பார்வையிட முடியும்.