காசியாபாத்தின் ஷாலிமார் கார்டன் பகுதியில் பெண் ஒருவரின் கம்மலை பறித்து தப்ப முயன்ற டெல்லி காவல்துறை காவலரை பொதுமக்கள் விரட்டிப் பிடித்தனர். டிசம்பர் 16 அன்று ரஞ்சனா பட் என்ற பெண் கடைவீதியில் இருந்தபோது, பைக்கில் வந்த நபர் அவர் காதில் இருந்த கம்மலை பறித்துச் சென்றார். பெண்ணின் அலறல் சத்தம் கேட்டு திரண்ட மக்கள், அந்த நபரை பிடித்து காவல்துறையிடம் ஒப்படைத்தனர்.

விசாரணையில் அவர் மதுபோதையில் இருந்ததும், குடும்பப் பிரச்சனையால் இக்குற்றத்தில் ஈடுபட்டதும் தெரியவந்தது. ஏசிபி அதுல் குமார் சிங் கூறுகையில், குற்றம் சாட்டப்பட்டவர் தனது செயலை ஒப்புக்கொண்டதாகத் தெரிவித்தார். தற்போது அவர் கைது செய்யப்பட்டுள்ளார், இது குறித்த விரிவான அறிக்கை டெல்லி காவல்துறை தலைமையகத்திற்கு அனுப்பப்பட உள்ளது.