உத்தரபிரதேச மாநிலம் அம்ரோஹாவில் ஜெகதீஷ் என்ற நபர் கொலை செய்யப்பட்ட வழக்கில் அவரது மனைவி பபிதாவை போலீசார் கைது செய்துள்ளனர். ஜனவரி 11 அன்று கணவன் இறந்த நிலையில், மனைவி துக்கப்படாமல் மகிழ்ச்சியாக இருந்ததைக் கண்ட போலீசாருக்கு சந்தேகம் எழுந்தது. விசாரணையில், தனது கள்ளக்காதலுக்கு இடையூறாக இருந்த கணவனை தீர்த்துக்கட்ட பபிதா திட்டமிட்டது அம்பலமானது. இந்த கொடூர சம்பவம் அந்த பகுதியில் பெரும் பரபரப்பை ஏற்படுத்தியுள்ளது.

பபிதா தனது கள்ளக்காதலர்களான ரிஹான் மற்றும் ஷாநவாஸுடன் இணைந்து இந்த கொலையைச் செய்துள்ளார். மருந்துகள் வாங்கச் செல்வதாகக் கூறி ஜெகதீஷை அவர்களுடன் அனுப்பி வைத்து, வழியிலேயே அவரைக் கொலை செய்து உடலை சாலையில் வீசியுள்ளனர். போலீசார் தற்போது பபிதா உட்பட மூன்று பேரையும் கைது செய்து சிறையில் அடைத்துள்ளனர். குற்றவாளிகளிடமிருந்து மொபைல் போன்கள் பறிமுதல் செய்யப்பட்டுள்ளன.