எகிப்தின் ஹுர்காதா பகுதியில் ஸ்கூபா டைவிங் சென்ற ராஷா மெடியன் என்ற பெண் சுற்றுலாப் பயணி பயிற்சியாளரால் பாலியல் ரீதியாக துன்புறுத்தப்பட்டார். கடலுக்கு அடியில் பயிற்சியாளர் அந்தப் பெண்ணின் கை மற்றும் இடுப்புப் பகுதியை அநாகரீகமாகத் தொட்டது கேமராவில் பதிவாகியுள்ளது. பாதுகாப்பு என்ற பெயரில் பயிற்சியாளர் செய்த இந்த அநாகரீகச் செயல் சமூக வலைதளங்களில் வெளியாகி பெரும் அதிர்ச்சியை ஏற்படுத்தியுள்ளது.

இந்த வீடியோ வைரலானதை அடுத்து சம்பந்தப்பட்ட பயிற்சியாளர் மீது கடும் நடவடிக்கை எடுக்க கோரிக்கைகள் எழுந்துள்ளன. சுற்றுலாப் பயணிகளின் பாதுகாப்பிற்குப் பொறுப்பான ஒருவரே இத்தகைய இழிவான செயலில் ஈடுபட்டது, தனியாகப் பயணம் செய்யும் பெண் பயணிகளின் பாதுகாப்பு குறித்துப் பெரும் கவலையை ஏற்படுத்தியுள்ளது.