அமெரிக்க மற்றும் இஸ்ரேலிய நடவடிக்கைகளுக்குப் பதிலடி கொடுக்கும் வகையில், ஐக்கிய அரபு அமீரகத்தின் முக்கிய கட்டமைப்புகளைக் குறிவைத்து ஈரான் இன்று தாக்குதல் முயற்சியை மேற்கொண்டது. ஈரானால் ஏவப்பட்ட ட்ரோன்கள் மற்றும் ஏவுகணைகளை அமீரகத்தின் வான் பாதுகாப்பு அமைப்புகள் வெற்றிகரமாக இடைமறித்து அழித்தன. இதனால் பெரும் அசம்பாவிதம் தவிர்க்கப்பட்டதாக அந்நாட்டின் பாதுகாப்பு அமைச்சகம் உறுதிப்படுத்தியுள்ளது.

பாதுகாப்பு கருதி பொதுமக்கள் அனைவரும் பாதுகாப்பான இடங்களுக்குச் செல்லுமாறு அதிகாரிகள் அறிவுறுத்தியுள்ளனர். வான் எல்லைகள் தொடர்ந்து தீவிர கண்காணிப்பில் வைக்கப்பட்டுள்ளன. இந்தத் தாக்குதல் முயற்சியால் ஏற்பட்டுள்ள சேதங்கள் குறித்த அதிகாரப்பூர்வத் தகவல்கள் இன்னும் வெளியாகவில்லை என்றாலும், மத்திய கிழக்கு பகுதியில் போர் பதற்றம் உச்சகட்டத்தை எட்டியுள்ளது.